Առցանց դասախոսություն Փենն համաալսարանի ուսանողներ հետ

11 մարտի, 2021

Ս.թ. մարտի 11-ին ԱՄՆ-ում ՀՀ դեսպան Վարուժան Ներսեսյանը, Մարդկության դեմ հանցագործություններ դասընթացի շրջանակներում առցանց դասախոսություն վարեց Փենն համալսարանի Դիքենսոնի իրավագիտության ֆակուլտետի ուսանողների համար:

Դեսպան Ներսեսյանը ուսանողներին ներկայացրեց 1915թ Օսմանյան Թուրքայի կողմից իրականացված Հայոց ցեղասպանության վերաբերյալ տեղեկատվություն և ընդգծեց միջազգային ճանաչման կարևորությունը՝ որպես հետագա ցեղասպանությունների կանխարգելման միջոց: Այս համատեքստում դեսպանը նշեց թուրքական մերժողականության քաղաքականությունը և հիշատակեց 20րդ դարի սկզբների որոշ փաստաթղթեր, որոնք վկայում են հայերի դեմ իրականացված ցեղասպանության մասին:

Դեսպանը ևս մեկ անգամ իր երախտագիտությունը հայտնեց բոլոր այն երկրներին, որոնք ճանաչել են Հայոց ցեղասպանությունը և շեշտեց 2019թ. ԱՄՆ Կոնգրեսի կողմից ընդունված բանաձևերի կարևորությունը:

Դասախոսության ընթացքում դեսպանը ներկայացրեց Ադրբեջանի կողմից Արցախի դեմ սանձազերծած պատերազմից հետո ստեղծված մարտահրավերներն ու հումանիտար ճգնաժամը: Այս համատեքստում դեսպանը խոսեց նաև հայ ռազմագերիների ու գերեվարված քաղաքացիականների, նրանց հանդեպ սոցիալական հարթակներում առկա անմարդկային վերաբերրմունքը ներկայացնող տեսանյութերի վերաբերյալ:

Դասախոսությունը շարունակվեց հարցուպատասխան ձևաչափով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր